Samstig 02. Juli:

Badifäscht im Eselriet, wie die letschte paar Jahr hilft de Cevi mit und betreut es paar Ständ. Ihr sind natürlich herzlich iiglade, zum dra teilznää. S'offizielle Progi gat vom 14:00 bis 17:00, Träffpunkt isch am 1400 vor em Igang vo de Badi. Wär länger wet blibe bringt mier e schriftlichi Bestätigung vo de Eltere, dass es okay isch, nach em 1700 ide Badi z'bliibe!
Mitnä: Badhose + Tüechli + gueti Luune

Natürlich büütet s'Fäscht au susch no en huufe für jedi Generation. Alles wiitere stat uf em Flyer!

---

Cevianer-Pullis / Shirts Neuauflage

Die meischte vo oi händ bereits die coole Pullis und Shirts mit em Cevianer-Ufdruck. Für all andere isch die Wuche die einmalig Chance die Chleider z'bstelle. Uf em Flyer stönd all nötige Informatione! (Pulli 50.-, Shirt 25.-)

---

Fundsache

Vom PfiLa hani no folgendi Sache dihei:
-Es Tupperware mit emene blaue Deckel, Grössi 15x10 cm
-E dunkelblaui Trainer / Pijama-Hose
-En dunkelbruune Pulli Grössi 134
-Es dunkelblaus Badetuech

Falls jez öpper vo oi (oder s'Mami) grad gmerkt hät, dass das Stuck fäählt, bitte bi mier mälde!