Hoi zämä

Da mier am Samstig nur 2 Leiter sind (die andere sind dur TV, Prüfige und Konzert verhindered) mached mer e chlini Velotour an Pfäffikersee mit Pause ide Badi Pfäffike. Drum ischs wichtig, dass oies Velo gueg funktioniert, ihr gnueg Wasser mitnämed und fit sind zum 20km Velo z'fahre!

Mitnää:
Velo + Helm
Gnueg ztrinke
en zvieri
Badhose + Tüechli
en 5-Liber für de Badiiitritt

Träffpunkt isch am 1400 bim Schuelhuus Eselriet (bi de Halfpipe ufem Parkplatz)
Schluss ca 1730 wider bim Eselriet

---

Samstig 02. Juli:

Badifäscht im Eselriet, wie die letschte paar Jahr hilft de Cevi mit und betreut es paar Ständ. Ihr sind natürlich herzlich iiglade, zum dra teilznää. S'offizielle Progi gat vom 14:00 bis 17:00, Träffpunkt isch am 1400 vor em Igang vo de Badi. Wär länger wet blibe bringt mier e schriftlichi Bestätigung vo de Eltere, dass es okay isch, nach em 1700 ide Badi z'bliibe!
Mitnä: Badhose + Tüechli + gueti Luune

Natürlich büütet s'Fäscht au susch no en huufe für jedi Generation. Alles wiitere stat uf em Flyer!



Bis morn, Gruess Lukas